ತೀನ್ ವಾಂಟೆ

ತೀನ್ ವಾಂಟೆ
ಪರ್‍ತ್ಯಾನ್ ಆಜ್ ತೀನ್ ವಾಂಟೆ,
ತೀನ್ ತಿರ್‍ಕುಟುನ್ ಗೆಲ್ಲ್ಯಾಂಕ್ ಸಂಗಿಂ ಘಾಲುನ್
ಪರ್‍ತ್ಯಾನ್ ಆಜ್ ತೀನ್ ವಾಂಟೆ
ದೇವ್ ಸದೆಂವ್
ಸರ್‍ವ್ ತೊ ಸಕ್ತೆವಂತ್,
ಕೊಡ್ತಿಚ್ಯಾ ಬಾಗ್ಲಾಂನಿ ನೀತ್ ಮಾಗೊನ್ ರಾವ್ಲಾ ಪಳೆ
ಪರ್‍ತ್ಯಾನ್ ಆಜ್ ದೇವ್ ಸದೆಂವ್.
ರಗ್ತಾಚೊ ಘಾಮ್
ದುಬ್ಳ್ಯಾಂಚಿಂ ಮೊಡಿಂ
ಮೆಜುನ್ ಕಾಡುನ್ ವಿರಾರ್ ಜಾವುನ್ ಕಪಾಲಾರ್ ನವ್ಯಾನ್
ಪರ್‍ತ್ಯಾನ್ ಆಜ್ ರಗ್ತಾಚೊ ಘಾಮ್
ಬುಕಾಂತ್ ಬರಯ್ಲಾಂ
ಸಕ್ಕಡ್ ಲಾಂಬ್ ಆನಿ ರೂಂದ್
ಫೊಡ್ನ್ ಘಾಲುನ್ ಪಿಟೊ ಕರುನ್ ಮೊಡುನ್ ತೊಡುನ್
ಪರ್‍ತ್ಯಾನ್ ಆಜ್ ಬುಕಾಂತ್ ಬರಯ್ಲಾಂ
ದೊಳ್ಯಾಂತ್ ದುಕಾಂ
ಮೊಳ್ಬಾಕ್ ಮುಕಾಂ ಉಕಲ್ನ್
ಕಾಳ್ಜಾಂತ್ ಭಿರಾಂತ್ ಪೊಟಾಂತ್ ಭುಕ್ ಚಾಳ್ವೊನ್
ಪರ್‍ತ್ಯಾನ್ ಆಜ್ ದೊಳ್ಯಾಂತ್ ದುಕಾಂ.
*****